Liso
Sugilanon - Jethro Barita Ochea (Banat) - February 16, 2016 - 9:00am

Ning buntaga, gisuroy ni Elden si Cora, ang iyang uyab nga maestra sa eskuylahang elementaryang publiko sa ilang baryo, sa gipangunayan niya'g amuma nga umahan.

Namungingi man sa mga bunga ang imong punoan sa prutasan, Den! Kaymito, buongon, tsikos, bayabas, tambis ug santol. Tambok ug lunhaw kaayo ang ilang mga punoan...!"

"Oo, Cor! Kay sa sinugdanan, gipili ko ang mga maayong liso sa maong mga bungahoy ug gitisok nako sa tabunok nga yuta. Mao nga nindot ang tinuboan ug namunga og daghan...!"

"Nagamit gyud ang imong pagka-gradwado sa Agrikultura, Den...!"

"Oo, Cor! Tan-awa ang mga liso nga gitisok kos ganod nga yuta sa nabungtorang luna, wa gyud makatubo ang mga punoan sa bungahoy ug wa gyud makabunga...!"

"Hasta ang patag mong darohan, Den, pagkatambok sa tinuboan sa mga mani nga imong gipugas...!"

"Tungod kay mga piniling liso gihapon ang akong gibinhi sa mga mani ug gipugas sila sa tabunok nga darohan, mao nga maayo gyud ang tinuboan, Cor...!"

"Mga hinog sa tsikos lang ang akong ganahang kan-on ron, Den! Kay tigumon sab nako ang mga liso, aron itanom sa luna didto sa eskuylahan...!"

Gipili dayon ni Elden ang mga hinog nga tsikos ug gipangdughit.

"Katam-is sa mga hinog nga tsikos, Den, uy! Tigumon nako ang mga liso niini...!"

"Sama nimo katam-is ang mga tsikos, Cor...!" "He-he-he! Wa pa gani ka makatilaw nako, Den...!"

Nalingaw si Elden nga nagtan-aw kang Cora nga lamian kaayong mikaon sa mga hinog nga tsikos nga padayong nagyaka nga nagbila sa yuta ug nabantang ang gisul-ob niining sayal. Giduol ni Elden si Cora, nga padayong nagtigom sa mga liso. "May nakita kong espesyal nga liso nimo, Cor...!"

"H-ha? Liso nako...?" ug abtik nga gikipi ni Cora ang nawiwi niyang sayal ug mitindog ug nagpanglingong mitutok kang Elden. "Ay sori, sa tanto kong dinalidali ning buntaga, wa ko kasul-ob og panti, Den!"

Nangatawa sila si Elden ug Cora. May gihunghong ang ulitawo sa  uyab niyang maestra. Ug nag-agbayay sila nga mipadulong sa lagkaw sa unahan!  (Kataposan)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with