Dear Tita Salie,
Hello! Just call me Mr. Pink, 25 years old. Tita Salie, tinuod ba ang giingon nga first love never dies? Hangtod karon ang akong first love mao gihapon ang gipitik sa akong kasingkasing bisan og dugay na kami nga nagkabuwag ug daghan na ko og nahimong girlfriends. Pasabta ko bahin niini.
* * *
Dear Mr. Pink,
Tinuod, adunay mga higayon nga usahay dili kalikayan nga maglisod kita paghikalimot sa atong unang gugma ug hinungdan nga nahimugso ang panultihon nga first love never dies.
Apan adunay pamaagi nga makalikay ka nga mosamot ang paghandom mo sa imong first love. Likayi ang pag-inusara nga magbasa og mga nobela sa romansa. Likay sa pagtan-aw sa mga estorya sa TV nga naglambigit sa gugma.
Likayi ang pagpaminaw sa mga awit ug musika nga makapasamot sa imong pagbati og kamingaw. Ang pagkalimot sa tawo nga imong gikaibgan dili sayon. Apan kun tumong gyud nimo nga mahanaw siya sa hingpit sa imong panumdoman, imo ra kining makab-ot sa hinay-hinay. - Tita Salie