Dear Tita Salie,
Hi! Ako diay si Jameson taga Danao, Bohol. Ang akong problema supak ang among mga ginikanan sa among relasyon sa akong gf. Nagplano mi nga magtaban na lang. Maayo kaha? Pasabta ko. Salamat.
* * *
Dear Jameson,
Ang usa ka maalamong ginikanan kanunay naglantaw sa kun unsay kaayohan sa ilang mga anak. Seguro mga batan-on pa kamo.
Hinumdomi ang pagkahimong hingkod dili sama’g pultahan nga puyde kang mosulod dayon, apan kini maoy samag hagdanan nga ang matag ang-ang imo gayod sak-on. Ingon niini ang kaminyoon dili kini puydeng mosulod lang ka dayon.
Basin nakita sa inyong mga ginikanan nga dili pa kamo andam. Ayaw pagdalidali. Hatagi’g dugang panahon ang inyong relasyon aron matino kun kamo ba gayod ang angay. -- Tita Salie