Dear Tita Salie,
Just call me Amormia, minyo ug may mga anak. Sa tinuod lang paet kaayo ang akong kahimtang kay namayot ang akong bana aron lang makakuwarta. Wala ko malipay sa iyang gibuhat. Unsa ang akong buhaton, pasabta ko.
* * *
Dear Amormia,
Dili lang ikaw ang naproblema tungod sa kanihit sa panalapi. Ikaw isip asawa may katungod ka nga motambag o mosulti sa imong bana.
Himoa kini nga puno gihapon sa respito ngadto sa imong bana. Gahini og maayong panahon ang pagpakighisgot kaniya. Ayaw pagsingka-singka ngadto sa imong bana.
Isip usa ka babaye, maoy imong papel ang paghatag og halawom nga pagtahod ngadto sa imong bana. Sultihi siya nga wala ka makauyon sa iyang gibuhat nga pagpamayot.
Sa tinuod lang, diha sa Balaang Kasulatan, ang Bibliya (1 Corinto 6:9) nag-ingon nga ang nagbuhat niini dili makapanunod sa gingharian sa Diyos.
Pangita lang kamo og laing paagi, bisan unsa, basta trabaho nga limpyo ug gikauyonan sa Diyos. -- Tita Salie