Dear Tita Salie,
Just call me Kerry, taga Samar ko, minyo apan wala’y anak. 10 years na kami nga nag-ipon sa akong bana apan hangtud karon wala mi makabaton og anak kay dili man siya makaanak. Gusto unta ko makabaton og anak. Maayo kaha nga magpanaak ko sa lain? Pasabta ko.
* * *
Dear Kerry,
Hinumdomi nga daghang magtiayon nga nagpuyo nga malipayon sa ilang kaminyoon bisan wala sila’y anak. Hinumdomi pag-usab ang inyong mga panaad nga miingon kamo nga sa kasakit ug kalipay kamo mag-unongay. Imo ba diay’ng daoton ang mga panaad aron lang makabaton ka og anak ug makasala ka pa sa Diyos? Pakigsulti sa imong bana nga mosagop kamo og bata aron maoy ilhon nga inyong anak sama sa gihimo sa ubang magtiayon nga dili kinahanglang mohimo ka og kalapasan. Ayaw paghunahuna nga mohimo ka og kalapasan o dugang problema aron lang imo na usab unya nga sulbaron. Nagpasabot usab kini nga ayaw paghunong sa pag-ampo. Pangayoa kini sa Diyos kay iya gayud kining ihatag niadtong sinsero nga nangayo kaniya. – Tita Salie