Dear Tita Salie,
Hello! My problem is about my brother. Kining akong brother aduna’y position sa among dapit. Kurakot man gud siya ug dili g’yud mopatuo bisan og unsaon nako’g estorya.
Ako na lang ang maulaw sa iyang binuhatan. - Benditha
* * *
Dear Benditha,
Dalaygon ang imong gibuhat kay gusto ka nga mausab ug matul-id ang binuhatan sa imong brother. Pakigsultihi siya nga sa paghupot niya og position sa kagamhanan, nisaad siya nga matinud-anon gayud sa balaud sa tawo ug labaw na sa balaud sa Diyos.
Sama ra nga gilimbongan sa imong brother ang iyang kaugalingon tungod sa iyang pagpangurakot.
Pasabta siya nga dili malinawon ug dili hapsay ang iyang tanlag niining paagiha. Sultihi siya niini, Benditha sa matinahuron nga paagi.
Ayaw ipataas ang imong tingog kay ang tingog nga malumo maoy makapalong sa tanang nagdilaab nga kaaligutgot.
Sultihi ang imong brother nga gusto lang nimo siya’ng himoon nga ehemplo sa pagkamatinud-anon. - Tita Salie