Jezebel

Nahibilin ko sa akong kuwarto nga nagpangalot sa kalagot. Bisan miabot usab kanako ang gana dihang gipahimuslan ni Red ang akong pagkababaye apan kini nagbilin og tunok sa akong dughan. Wala man gud ko makagusto kang Red. Napugos lang ko pagtugyan ngadto kaniya sa akong lawas sa kahadlok nga iyang tinud-on ang bahad niya nga iyang tug-anan si Mrs. Elvira Lim mahitungod sa relasyon namo ni James kun dili ko itugyan kaniya ang akong pagkababaye.

Wala ko masayod kun unsay angay kong buhaton aron makalikay ko kang Red. Kun mobiya ko sa panimalay sa mga Lim, asa man ko mopaingon? Mangita na sab ko og laing trabaho. Nahinugon ko sa akong trabaho sa banay’ng Lim kay sayon ra kaayo. Buotan pa gyud ang akong amo.

Hinuon, miingon si Red nga may tinagoan kinaiya si Mrs. Lim sa higayon kuno kini kun masuko. Posibleng gilansisan lang ko ni Red aron mosugot ko sa gusto niyang mahitabo.

Apan nakaseguro ko nga masuko gayud si Mrs. Lim sa higayon nga masayod siya nga nakigrelasyon ko sa iyang bugtong anak nga si James. Kini ang gikabalak-an nako’g maayo. Dili ko gusto nga masuko ang akong agalon nako. -- Sumpayan pa

 

Show comments