Gula 36
“Pagpuyo diha,” giingnan ko si Edward. “Nahigalam ka uroy.”
“Makabuang man gud ang imong katahom, Jezebel,” ni Edward pa.
“Hilom diha. Nagsakit pa gani ning akong flower, imo na kong usban? Gisayonan ka lang tingali no? Sakit baya kaayo.
“Hilom na diha, uy. Tingalig may makadungog nato.”
Wala na mamugos si Edward. Kaha nakasabot siya sa akong kahimtang. Nga dili pa mahimong tirahan ko niya pag-usab kay wala pa maalim ang laceration sa akong pagka-babaye.
Apan nianang pagkasunod semana, mihangyo na sab si Edward nako.
“Mosulod ko sa imong kuwarto rong gabii,” niya pa.
“Naunsa ka diha?” Misikmat ko. “Mag-unsa ka man kuno sa akong kuwarto?”
“Mag-unsa pa? Magkuan ta.”
“Dili na ko, uy. Momabdos pa lang unya hinuon ko.”
“Ayaw kabalaka. Mogamit ko’g panagang aron dili ka momabdos.”
Bisan giunsa’g pamugos ni Edward apan wala gyud ko mosugot. Dili mahimong pahinuntan ko lang siya kanunay sa iyang gusto. Tingali’g makabaton mi’g problema sa umaabot kon magpaanod mi sa sulog sa among mga pagbati.
“Nianang pagkagabii, human sa panihapon, naglingkod ko sa sala nga nagtuon sa akong mga leksiyon sa eskuwelahan. – Sumpayan pa