^

Banat Kalingawan

Gugma nga makabuang - Gula 2

WILD ORCHIDS - Cindy Jones - Banat

Ingon sa gihakop og dili masabot nga pagbati si Lino samtang nagpamati siya sa matag lyrics sa awit nga Dalawa Kami’ng Api. Nahandom niya nga diha’y higayon nga nagkuyog sila si Hazel kaniadto, gikanta kini sa girlfriend niya nga promo girl sa beer.

Karon wala na si Hazel sa kinabuhi ni Lino. Bisan sakit sa kabubot-on apan gibiyaan ni Hazel si Lino aron hatagan kini og higayon nga sila ang magkadayon ug si Nympha, ang laing girlfriend ni Lino nga kauban ra niya sa gitrabahoan niya nga opisina.

Usa ka higayon mikompisal si Lino kang Hazel nga duha sila si Hazel ug Nympha sa iyang kinabuhi. Una si Hazel nga gikarelasyon ni Lino ug gani si Nympha pa man ang gitug-anan ni Lino nga may naibgan siya nga promo girl.

Bisan lalaki si Lino apan wala niya kapugngi ang paghilak diha nga mibiya na si Hazel kaniya atol sa ilang pagpanuroy didto sa Plaza Independencia. Misamot ang iyang gibati’ng kahaw-ang diha nga gipatikan siya’g pamilin-bilin nga hawok ni Hazel.

Nakita ni Lino nga luhaan ang mga mata ni Hazel nga mitalikod. Igo na lang si Lino sa paglantaw sa bayhon ni Hazel nga anam-anam nga nagkahanap ilabi na diha nga gibiawan na sa mga luha ang iyang mga mata.

Gikan niadto, wala na gayud sila magkita pa si Hazel. Wala usab magpakita si Lino kang Nympha sulod sa pipila ka semana. Gituyo ni Lino nga wala magpakita sa usa niya ka girlfriend kay diha pa sa iyang kasing-kasing ang kasakit sa kapakyasan sa gugma niya ni Hazel.

Usa ka hapon, mitawag kang Lino si Nympha. Nasurpresa si Lino kay dili man ginhapon nga manawag kaniya si Nympha. Sagad g’yud nga mag-text ra kaniya si Nympha apan hilom ‘sab gani kini sa milabay’ng mga adlaw.

“Lin, puwede ta magkita unya human sa imong trabaho?” ni Nympha. Misamot ang katingala ni Lino kay Sweet ang ilang tinawganay apan gisangpit na lang siya sa iyang angga. (Sumpayan)

API

BISAN

HAZEL

LINO

MISAMOT

NIYA

NYMPHA

PLAZA INDEPENDENCIA

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with