“Lord, wala ako masayod kun nahisupak ba o nahiuyon sa imong kabubut-on ang akong gihimo,†wala kapugngi ni sister Veronica ang pagpanaligdig sa iyang mga luha. “Pasayloa ako kun nakalapas man ako sa imong plano alang sa akong kinabuhi. Nasayod ko nga ang imong hunahuna labaw kalantip sa hunahuna sa tawo. Gipangayo ko ang imong pagsabot. Apan kun nahisupak man sa imong kabubut-on ang akong gibuhat, pakit-a ako sa akong sayop. Ang imong kabubut-on maoy matuman sa akong kinabuhi ug dili ang akong kaugalingong kabubut-on?â€
Human makigsulti sa Makagagahom, si sister Veronica mihinay pagtindog. Mibalik siya paglingkod sa ngilit sa iyang kama. Niining tungora, inanay nang mitang-on ang iyang mga luha.
Pagkilab sa pipila ka daklit, nabatyagan niya nga ingon sa may talagsaong kahayahay nga migahom sa iyang kaugalingon.
Mao kadto ang sinugdanan sa malipayong mga adlaw nila ni Rey ug Veronica. Sa misunod nga mga adlaw, malipayon na kanunay ang duha nga magkabildohay sa matag pamisita sa lalaki sa kombento. Ang madre superyor nga hilabihan kamasinabtanon, mihatag og higayon sa duha.
May mga higayon nga ini’g pauli ni Rey gikan sa kombento, ang madre superyor makigsulti kang sister Veronica. Pangutan-on niya si sister Veronica kun malipayon ba kini sa relasyon nila ni Rey.
“Malipayon ako, Mother Superior,†tubag ni sister Veronica. -- Sumpayan pa