Dear Tita Salie,
Have a pleasant day and all readers of Banat News. Ang pasabta ko of course.
By the way, just call me Mea, I’m 14 years of age. But bisan sa akong kabatan-on, Tita Salie, nagtrabaho na ko karon aron makatabang ko sa among kalisod uban ang akong pamilya.
Tita Salie, duna koy boyfriend, ba, 17 years old na siya. Tawgon lang nato siya sa name nga Carlos. Two months na ang among relasyon but kaduha ra gyod mi nagkita kay unsaon nga may trabaho man ko ug panagsa ra ko maka-text ug matud niya nga love ko niya. Pero unsaon man nako pagtuo, Tita Salie, nga seryoso siya ug love gyod ko niya layo man mi kaayo ug panagsa ra mi magkita? Palihog pasabta ko? Thank you so much.
* * *
Everdearest Mea,
Nalipay ko nga naningkamot ka ug mitabang ka sa kalisod sa imong pamilya. Apan naguol usab ako tungod kay dapat karon sa imong pangedaron nag-eskuyla pa unta ka ug nag-enjoy sa imong kabatan-on. Busa kun hatagan ka og higayon nga makaeskuyla paninguha gyod nga makalampos ka.
Imong mapamatud-an nga love ka nianang imong uyab kun maningkamot siyang makahuman sa iyang pagtuon, makatrabaho siya ug iyang andamon ang inyong kaugmaon. Love ka niya nga tinuoray kun andam siyang maghulat kanimo nga moabot ka sa hustong pangedaron ug makaandam ka na usab alang sa imong kaugmaon. Tungod kay karon pulos pa kamo mga batan-on busa taas-taas pa ang panahon nga inyong paaboton. - - Tita Salie