Shooting guard sa Ginebra nga si Gray nalisa
CEBU, Philippines — Nalisa ang tuhod sa shooting guard sa Ginebra nga si Jeremiah Gray atol sa Ginebra-NLEX PBA On Tour game niadtong nakalabay nga adlaw’ng Domingo sa gabii sa Ynares Sports Arena sa Pasig.
Mismo si Coach Tim Cone mikompirmar sa pagkaangol ni Gray ug siya mismo ang mikuyog sakay sa ambulansiya padung sa Medical City hospital.
Naangol si Gray atol sa third period.
“Jeremiah had a dislocated knee. The doctors were able to put the knee back in place and straighten it,” matud pang Cone.
Sa sinugdanan, gituohan nila lain napud nga kaso sa ACL ang nahitabo kang Gray. Niadtong 2021 nahiaguman sa maong injury ang 26 anyos nga si Gray human siya nawad-an og balanse pagkahuman niya og dunk atol sa PBA 3x3 para sa TNT.
Si Gray ang No. 2 overall pick sa nakalabay nga tuig, siya gioperahan didto sa US ug nagpa-rehab didto una kini mibalik dinhi ug miduwa para sa Ginebra sa Commissioner’s Cup.
- Latest
