Dili na magbalik

CEBU, Philippines — Hingpit na nga gituldukan ni Kris Aquino ang pagduda nga gipalutaw sa kolumnistang si Lolit Solis nga matud pa buot makigbalik sa TV host ang iyang ex-boyfriend nga si Mel Sarmiento.

Reaksyon ni Kris adtong Domingo: "No nay... hindi kami nag balikan. i just felt PEACE in my - finally... kaya the past no longer felt like something i needed to erase.

"Iniwan nya ko Nay, when i was at my lowest and ginawa nya yun via text...

"matagal akong tahimik na nagdasal questioning if for both of us, was it ever really love or was it just grief, timing, and infatuation?

Gibutyag sab ni Kris nga nagkaistorya sila ni Mel pinaagi sa usa ka social media app niining bag-o lang ug natin-aw na gyud matud pa unsa ray pagbati sa nahisgutang kanhi DILG Secretary ngadto niya. Natugkad sab niya pa unsa na lang ka gamay ang respeto niya nga nahibilin alang kang Mel.

Wala sab nakauyon si Kris nga wala na gyud nanumbaling si Mel matud pa ngadto sa iyang anak nga si Bimby kinsa nasuod na niini.

Ug nga gisuwayan sab matud pa sa iyang ate nga si Ballsy nga husayon sila apan giingong wala sab manumbaling si Mel.

"let's not involve my sons, because mel failed to have the common decency to acknowledge that he hurt bimb and never once checked on how my son was taking all of this.

"It spoke volumes to me nung nalaman ko from my Ate that she had tried several times to message Mel trying to find a way to communicate with him & hopefully still create a bridge but he actually snubbed my Ate."

Gipaabot pa ang reaksyon ni Mel niini, lakip na sab sa uban pang rebelasyon ni Kris kabahin sa iyang ex-boyfriend.

"SethDrea is forever"

Gideklara ni Seth Fedelin nga forever matud pa ang "SethDrea" o ang loveteam nila ni Andrea Brillantes. Taliwala kini sa isyu nga naglambigit sa ilang loveteam ug ni Francine Diaz sa nilabay nga semana. Apan suma pa ni Seth sa nilabay adlaw:"SethDrea will conquer the world at siguro naman sa sinabi kong ‘yung nasagot ko na ‘yung tanong niyo. SethDrea is forever. Kakarating ko lang ng bahay, kakatapos ko lang kumain at maya-maya papasok na rin ako sa Zoom. Gusto ko lang uli ipaalala sa’yo kung ano ‘yung tayo, saan tayo nagsimula. Alam natin sa isa’t isa ‘yung mga bagay-bagay. Let’s conquer the world. I miss you."

Consultant na

Gibutyag ni Ogie Diaz nga sa iyang nasayran gihatagan sa management og pagtugot si Vice Ganda nga mohimo og mga desisyon alang sa ikanindot sa It's Showtime. Taliwala kini sa intriga nga naghawodhawod na ang TV host sa maong noontime show nga wala na ikalipay sa iyang mga kaubanan. Apan suma pa ni Ogie, nahug na nga "consultant" si Vice sa iyang mismong show.

Kdrama, Pinoy version

Koreanovela nga himuan og Pinoy adaptation ang gidungog nga teleseries nila ni Alden Richards ug Bea Alonzo sa GMA7. Gipaabot nga magsugod na sila og lock in taping sa dili madugay alang niining labing unang proyekto ni Bea isip kapuso. Ang dugang tsika mao nga aduna pa silay laing makauban o tulo ka buok ang bida niini.

Walay visa

Walay US visa si Barbie Imperial. Kana maoy tubag ni Diego Loyzaga sa pangutana ngano nga wala niya makuyog ang iyang uyab sa iyang bakasyon sa Amerika. Dili sab matud pa planado ang iyang paglarga. Gani nipalit siya og tiket, usa ka adlaw na lang sa dili pa siya mulupad. Adunay mga huhungihong nga nagbuwag na ang duruha, apan daghan pa sila'g mga hulagway nga nagkauban sa ilang tagsa tagsa ka IG accounts hangtud karon. Wapay pag-unfollow nga nahitabo.

Congrats, Heart!

Usa na sa mga ambassadress sa luxury brand nga Dior si Heart Evangelista. Si Heart mismo ang nagpahibawo niini pinaagi sa usa ka video clip nga iyang gi-upload sa iyang IG account kagahapon. Kasamtangan siyang atua karon sa Paris, France alang niining maong kalambuan.

"You are so hot"

Mao kanay reaksyon ni Ruffa Gutierrez niining mga hulagway nga gi-upload sa iyang sister-in-law nga si Sarah Lahbati adtong Domingo. Ug dili kay si Ruffa ra ang nahugyaw sa ka sexy pa gihapon ni Sarah. Kini kay ang maong mga hulagway, nakaangkon og 204, 014 likes, usa ka adlaw human gi-upload. Si Sarah ug Richard Gutierrez, kasamtangang nag-bakasyon sa El Nido, Palawan, kauban ang duha nila ka mga anak.