Truck N' Trail milansang ikaduhang daog
CEBU, Philippines — Ang Truck N' Trail mipatigbabaw batok sa RW Freight, 97-91, sa Lycans Basketball League (LBL) Season 1 didto sa Villas Magallanes gym sa dakbayan sa Lapu-Lapu.
Si Baroc Ceniza mikadlit og 21 puntos sa dihang gi-angkon sa TNT ang temporaryong liderato bitbit ang 2-0 record.
Mitampo si Matt Grafilo ug 15 puntos samtang sila si Anchor Igot, John Velasco ug Jeric Gonzaga mihipos og 10 puntos matag usa timaan sa balanseng sa ataki sa TNT.
Si Phil Mercader mibugha og 21 puntos samtang sila si Ranel Cortes ug EJ Conahap nagkumboya'g 32 puntos apan nakawang ang ilang paningkamot gumikan kay ang RW Freight nakatilaw sa una nilang pilde.
Sa laing duwa, Jojit Goc-ong mitagak og 23 puntos sa dihang gilampaso sa Aquilla and DC Abay-Abay, 80-64, alang sa una nilang daog.
Nakakuha si Goc-ong og igong suporta gikan nilang Ken De los Santos ug James Villafuerte nga nagkumbinar og 32 puntos
Si Alain Tarona mikimada og 12 puntos sa pilderong DC Abay-Abay.
- Latest
