NBA record: Grizzlies gimasaker ang Thunder og 73 puntos

CEBU, Philippines — Siyam ka players sa Memphis ang mikadlit og double-figures sa gihang gimasaker sa Grizzlies ang Oklahoma City Thunder, 152-79, aron pagkulit og record alang sa labing dako nga daog sa kasaysayan sa NBA.

Gilubong sa Grizzlies ang Thunder og 73 aron mamahimong labing unang team sa NBA nga midaog og dili mominus sa 70 puntos. Ilang gipapas ang karaang marka sa Cleveland Cavaliers, nga midelimolis sa Miami Heat og 68 puntos, 148-80, niadto pang Disiyembre 17, 1991.

Wala nay lalis ang resulta human ang Grizzlies mi-abante og 36 puntos sa halftime, 72-36. Misamot pa og kamangtas ang Grizzlies aron inaton ang ilang labaw ngadto sa 78 puntos, nga maoy labing dako sa usa NBA sukad niadtong 1996-97 season.

Si Jaren Jackson maoy nangu sa bagsik nga ataki sa Grizzlies uban ang 27 puntos samtang si Santi Aldama midugang og 18 puntos ug 10 ka rebounds.  Ang Grizzlies miposte sa ikatulo nilang sagunson nga daog bisan og wala ang leading scorer nilang si Ja Morant nga dunay gihambin nga injury.

"Tonight is not necessarily who we are," matud pa ni Thunder coach Mark Daigneault. "I think we've definitely shown that from a competitive standpoint. This isn't indicative of who our team is.''

Sa laing aksiyon, si Fred VanVleet mipabuto og 29 puntos sa dihang gipakgang sa Toronto Raptors ang walo ka sunod-sunod nga daog sa Milwaukee Bucks, 97-93.

Si Pascal Siakam miamot og 20 puntos, samtang si Scott Barnes dunay 13 puntos alang sa Raprots nga misanta sa lima ka sunod-sunod nilang malas didto sa ilang korte.

Si Jrue Holiday mi-iskor og 26 puntos samtang sila si Khris Middleton ug Bobby Portis nagkbuminar og 37 puntos sa pilderong Bucks. Wala miduwa ang alas nilang si Giannis Antetokounmpo gumikan kay nayayay ang paa.