Bagyong Falcon inaasahang hahagupit! - PAGASA
Matapos ang pananalasa ni ‘Egay’
MANILA, Philippines — Sa kabila ng mabagal na pagkilos ng bagong bagyong Falcon habang nasa may kanlurang bahagi ng Philippine sea kahapon, inaasahang lalakas ito ngayong linggo, ayon sa Philippine Atmospheric Geophysical and Astronomical Services Administration (PAGASA).
Si Falcon ay huling namataan sa layong 1,315 kilometro ng silangan ng Central Luzon taglay ang lakas ng hangin na umaabot sa 65 kilometro bawat oras malapit sa gitna at may pagbugso ng hangin na umaabot sa 80 kilometro bawat oras.
Sa susunod na tatlong araw, magkakaroon ng malakas na pag-ulan sa western portion ng Luzon at Visayas dulot ng habagat na pinaigting ng bagyong Falcon.
Mas malakas ang ulan din ang mararanasan sa mga matataas at bulubunduking lugar na may banta ng pagbaha at landslide.
Dahil sa epekto ng habagat na pinaigting ng bagyo, umiiral ang Gale warning sa baybayin ng western seaboard ng Luzon, eastern at southern seaboards ng Southern Luzon, at eastern at western seaboards ng Visayas.
Pinapayuhan ang maliliit na bangka na mapanganib ang pumalaot dahil sa malalaking alon sa karagatan.
Inaaaahang lalabas ng Philippine area of responsibility (PAR) si Falcon sa Lunes ng gabi o Martes ng umaga.
- Latest