ERC mimando sa VECO himoan ang imbestigasyon ang ‘pagpangilkil’

CEBU, Philippines — Gimandoan karon sa Energy Regulatory Commission Visayan Electric Company nga maghimo og imbestigasyon bahin sa gialegar nga pagpangilkil nga gipang-post sa social media ug mga nahipos nga impormasyon gikan sa katawhan bahin aning pagpabalik sa koneksyon sa kuryente sa ilang mga panimalay.

“The extortion incidents reported to the Commission which involved either VECO contractors or volunteers or both allegedly extorting money from VECO’s consumers to expedite the restoration of their electricity are alarming and needs the immediate appropriate action by VECO,” matud pa ni ERC chairperson  Agnes VST Devanadera sa giluwatang pamahayag.

Gimandoan ang Visayan Electric nga mosumitir sa resulta sa imbestigasyon niini kinse ka adlaw human nadawat ang direktiba.

Apil sa ipasumitir kun unsay ilang gihimong aksyon kabahin niini ug kun unsay mga pamaagi ilang gihimo aron dili na kini mausab.

Gawas pa niana, apil sa direktiba nga padalion ang pagpabalik sa supply sa kuryente sa franchise area sa Visayan Electric ug kun unsa ka kalapad ang ilang nahuman.

Ang ERC nakadawat og mga reports ilabi na gikan sa social media nga maong nalangay ang pagkonektar sa supply sa kuryente sa pipila ka mga lugar kini tungod sa tuyong pagdelatar sa mga buot mangilkil sa mga konsumidor aron unahon pagkabit ilang linya.

 “These reports of alleged extortion are truly disturbing and we cannot just disregard or take these things sitting down. We enjoin VECO to use the necessary means to obtain a thorough, comprehensive, and unbiased finding/s, including the use of witnesses’ testimony when available,” dugang pa ni Devanadera.

Si Quennie Sanchez Bronce, ang  Reputation Enhancement manager sa Visayan Electric miingon nga nakigalayon na sila karon sa National Bureau of Investigation bahin niini.

Daan ng gipahibalo sa Visayan Electric nga wala nila gitugot ang mga sama niini nga buhat nga magpabayad ang linemen aron madali ang pagpabalik sa ilang linya sa kuryente.

Giawhag sa kompanya ang publiko pagsumbong niini pinaagi sa 230-8326 o magpadala og mensahe pinaagi sa ilang Facebook page ug hatagan sila og detalye sama sa pangalan sa nangilkil, petsa ug oras ug kun unsay sakyanan, lakip sab ang hulagway o video kung duna.

 “Visayan Electric is not liable for any damage or loss arising out of or in connection with the unauthorized re-energization arrangement entered into by customers. Visayan Electric does not warrant the quality of the wirings, equipment, or materials used in these unauthorized electricity connections,” the company statement added.— IBM (BANATNEWS)