SWAT team planong ibalik sa Talisay
CEBU, Philippines — Naglaraw karon si mayor Gerald Anthony “Samsam” Gullas sa Siyudad sa Talisay nga mohimo og grupo sa Special Weapons and Tactics (SWAT) aron modugang sa pwersa sa kapulisan.
Nagkanayon si Gullas nga gumikan sa gidak-on sa populasyon sa Talisay daku og ikatabang ang pagmugna sa maong grupo.
Gitug-an ni Gullas nga ang lokal nga kagamhanan migahin og pundo alang sa kapulisan.
Si Talisay City Police Chief, Police Lt. Col. Randy Caballes, nitataw nga dako og tabang alang kanila ang laraw sa mayor. Subay niini giduso ni Caballes ngadto sa Police Regional Office (PRO-7) ang maong plano. Sa higayon nga kini maaprobahan sugdan dayon nila ang training alang sa maglangkub sa SWAT team.
Kahinumduman ang Talisay City Police aduna na’y SWAT kaniadto apan lakip kini nga nawagtang human sa pagrelibo sa kinatibuk-ang pwersa sa kapolisan gumikan sa isyu bahin sa ilegal nga drugas. —MEL (BANATNEWS)
- Latest
