Kapolisan sa Compotela adunay POI sa kamatayon sa barangay kapitan

CEBU, Philippines — Ang kapolisan sa Lungsod sa Compostela giingong aduna nay person of interest sa nagpusil patay sa kapitan sa Barangay Kaluangan, Lungsod sa Asturias ug niangol sa ig-agaw niini niadtong Huwebes sa hapon.

Ang namatay mao si Kapitan Junrey Aligato ug naangol niini nga ig-agaw giila nga si Emedio Aligato, tanod sa Barangay Kaluangan.

Ang mga biktima kinsa nagsakay sa ilang tagsa-tagsa ka motorsiklo nga nagbiyahe ug giingong paingon nang mopauli apan pag-abot nila diha sa Barangay Tag-ube nga usa sa mga bukirang barangay sa Lungsod sa Compostela kalit kining gipamusil.

Matud ni Patrolman John Mark Perez, desk officer sa Compostela Police Station nga aduna nay mga gitumbok nga person of interest apan gipalawoman pa pag-ayo nila ang imbestigasyon.

Ug usa sa gitutokan nila mao ang kabahin sa personal nga bangi nga nisangpot sa pagpamusil.

Nasayran nga si Junrey nakaangkon kini og samad pinusilan sa iyang tiil, abaga ug dughan samtang si Emedio anaa pa sa tambalanan. Romeo T. Limpangog/BDB (BANATNEWS)