CEBU, Philippines — Tinguha ni Archbishop Jose Palma sa Archdiocese of Cebu nga mabalik na sa Sugbo ang Pulpit Board sa Lungsod sa Boljoon nga iya sa Church of the Roman Catholic Parish of Patrocinio de Maria Santisima human kini gipaubos karon sa restoration.
Matud pa sa Arsobispo atol sa ilang meeting ni Andoni Aboitiz, National Museum of the Philippines Board of Trustees Chairperson, ilang gituki ang kabahin sa pulpit diin gipresentar o mas dokomentado ang panel anaa kanila sa NMP.
Sumala pa ni Palma, ang maong panel gikinahanglan nga ayuhon ug responsibilidad sa NMP ang pagtrabaho niini.
Dugang pa ni Palma, bisan ug ipaubos pa sa restoration kun pag-ayo ang pulpit apan buot nila ipaabot sa Historical Commission nga ang cebu community og ang simbahan niangkon nga maoy tag-iya sa property ug angayan kini ibalik sa lungsod sa Boljoon.
Ang arsobispo gusto nga mabalik gayud ang maong pulpit panel hinungdan si Aboitiz modala sa ilang natuki didto sa NMP Board atol sa ilang tigum sa kaulohan.
Gipadayag usab sa Arsobispo nga iya usab irekober ang giingong Tabernacle sa Boljoon ug Santo Tomas ug San Juan sa Dalaguete nga giingong gi-auctioned kay ilaha kini sa simbahan. MEL BANAT NEWS