CEBU, Philippines — Dismayado si Senador Risa Hontiveros sa gihimo sa usa ka local radio station sa 4-anyos nga batang babayeng biktima sa pagpangasubo nga ilang gi-interview live ug nakita ug nadungog pa gyud sa Facebook kay matod pa gipasinati og balik sa maong sibyaanan ang trauma nga nasinati sa biktima. Gihulagway sa senador nga insensitive matud pa ang maong interview sa duha ka anchors ngadto sa bata nga dili gyud unta angayang buhaton aron protektahan ang biktima.
Hinoon, ang Department of Social Welfare and Development (DSWD) ingon man ang Kapisanan ng Broadcasters ng Pilipinas apil ang Police Regional Office(PRO)-7 nihimo naman og imbestigasyon mahitungod sa maong hitabo matud pa sa senador.
Gidayeg ni Hontiveros ang imbestigasyon nga gihimo sa DSWD ug KBP lakip na sab ang pagkorehir sa management sa radio station sa sayop nga nahimo sa ilang mga anchors.
I ll be hoping na yung mga on-going investigation ay maglalabas din ng rekomendasyon sa amin sa Senado, sa buong Kongreso paano mas either i-oversee yung implementation nung mga batas natin sa proteksyon sa mga bata pati na batas sa anti-trafficking in persons or mga mungkahi to those investigation paano namin dapit amendyahan or dagdagan pa nga yung batas na iyan, ni Hontiveros pa.
Midugang ang senador nga dili paigo nga suspensuhon lang matod pa ang tawo nga may direktang kalambigitan sa hitabo. Nangutana sab siya kun unsay accountability sa management nga matod pa maoy nag-assist ug nag-supervise ug duna untay kapasidad sa pagpahunong sa interbyu kun wala na masubay sa sakto ang mga linya sa pangutana.
I hope na maging substantive yung findings at recommendation ng mga on-going investigation otherwise one or both houses might find it necessary na mag-file ng resolution, bahad sa senador. IBM BANAT NEWS