CEBU, Philippines — Giila nga outstanding public servant si Talisay City Mayor Gerald Anthony “Samsam” Gullas, Jr. atol sa 2023 Philippine Public Service Leadership Awards-Southeast Asia Business Excellence and Outstanding Executive Awards nga gipahigayon didto sa kaulohan.
Nalipay si Gullas nga ang iyang administrasyon nakit-an ug nakadawat og pasidungog.
Si Gullas nidalit sa iyahang nakuhang pasidungog ngadto sa mga Talisaynon nga nisuporta sa iyang administrasyon.
Matud ni Gullas nga kong wala ang suporta sa mga Talisaynon kaniya dili nila makab-ot ang kalamposan.
“Without your trust and support of our administration, we won’t be recognized”, ni Gullas pa. Nagkanayon si Gullas nga paningkamotan pa niya nga makahatag pa og maayong serbisyo sa umaabot nga katuigan alang sa mga Talisaynon.
Iyaha usab nga gipaabot ang iyahang pasalamat ngadto sa iyang mga kauban sa konseho pinangulohan ni Bise Mayor Richard Francis “Choy” Aznar. BDB (BANATNEWS)