CEBU, Philippines — Nadungangan ang pwersa sa kapulisan sa Police Regional Office-7 human nga 18 ka mga bag-ong graduates sa Philippine National Police Academy (PNPA) MASIDTALAK Class of 2003 ang nadestino dinhi.
Nagkanayon si Police Lt. Col. Gerard Ace Pelare, tigpamaba ni PRO-7 Regional Director Brigadier General Anthony Aberin, ang 18 ka mga PNPA graduates gilangkuban sa 15 ka lalake ug tulo ka babaye nga pulos Police Lieutenants ang ranggo.
Sila ipang-destino sila sa nagkalain-laing units sa PRO-7 ug masaligon ang PRO-7 nga makatabang ang maong mga bag-ong opisyal sa PNP sa crime prevention ug crime solution.
“Their youth, vigor, enthusiasm is very much needed especially in this very challenging times in Central Visayas, we welcome them to Police Regional Office-7,” sigon ni Lt. Col. Pelare.
Ang maong mga Police officials ni-gradwar niadtong Marso 10, 2023 sa PNPA Academy, gikan ni sila sa upat ka tuig nga training sulod sa akademiya.
Si Pelare miingon nga dunay mga units nga haom nga adto sila madestino sama sa mobile forces nga kinahanglan gyud palig-onan ilabi na sa mga dapit nga padayon ang pakigbatok sa Communist Terrorist Group(CTG) sama sa Probinsiya sa Negros Oriental ug Bohol.
“So kining atong mga new Lieutenants they will be assign in a very sensitive areas, they will be our frontliners sa atoang peace and order endeavors in Central Visayas,” ni Pelare pa.
Giklaro hinoon ni Pelare nga giyahan ang maong mga bag-ong police officers sa mga senior police officers aron masiguro nga maayo nga trabaho nila sa field.
Ang mga bag-ong PNP officials masaligon nga mabuhat nila ang ilang tahas kini gumikan kay miagi sila og upat ka tuig nga training ug sa dili pa sab sila i-deploy sa nagkalain-laing mobile forces moagi una sila og training sa Commandos, Special Action Forces ug Scout Ranger.
“May mga plan po si Regional Director namin na before we will be deployed to the mobile forces we will undergo foundation trainings like the commandos, scout ranger and the special force so if ever man makapasok kami sa training na yun after graduating from such trainings we believe na we will be prepared to serve or to be deployed in the mobile forces”, sigon ni Police Lt. Elline Añonuevo nga lumad nga taga Kidapawan City ug usa sa tulo ka mga babaye nga opisyal nga na-assign sa PRO-7. — IBM ( Banat News )