Mga batan-ong nagrambol pangkasohan
CEBU, Philippines — Pasakaan og kasong alarm and scandal ang grupo sa mga batan-on nga nag-rambol sa Mango Avenue, Barangay Kamputhaw, siyudad sa Sugbo niadtong Sabado sa kaadlawon nga nakuhaan og video ug nag-viral sa social media.
Giingong nakainom ang maong mga batan-on ug matod pa babaye ang hinungdan sa rambol. Dili na sila mga menor de edad mao nga sila pangkasohan.
“Una pala doon ay dahil may isang babae na yung isang lalake nag-approach. Sabi ng babae may mga kasama siya syempre mga kaibigan niya, nagalit yung isang lasing, bata pa rin nasa mga 27 years old inaabangan yung tatlong binatilyo at isang babae at sinuntok yung isang maliit, akala namin mga minor pero hindi na mga minor nasa 26 at 27 na sila, malilit lang yung mga katawan,” sigon ni Cebu City Police Director Col. Ireneo Dalogdog.
Sa video nga mikatap makita ang grupo sa mga lalake nga nagsumbagay gani dunay usa ka batan-on ang gitabangan og sumbag ug gipatid-patiran.
Giuwang sila sa mga tawo nga naa sa dapit apan wala magpatuo ug didto lang sila naundang dihang dunay pulis nga naabot ug mibadlong nila. Matud ni Dalodog pagkahapon pinaagi sa abag ni Cebu City Councilor Phillip Zafra, Chairman sa Committee on Peace and Order sa konseho sa siyudad gipatawag nila ang duha ka grupo nga nalambigit sa rambol.
Giingong nagpinasayloay sila, apan si Dalogdog mopasaka gihapon kanila og kaso tungod sa kagubot nga ilang gihimo sa lugar.
Matud ni Dalogdog nga dili mahimong dili manubag ang mga nagmugna og kasamok sa siyudad.
“Pero yung City Government represented by Hon. Phillip Zafra ay hindi nila tino-tolerate even kami mga kapulisan gusto namin na masampahan ng kaso yung mga tao na ‘yun dahil hindi lang to first time nangyari, pangalawang beses nato,” ni Dalogdog pa. (BANATNEWS)
- Latest
