^

Banat Balita

Rama nanawagan og panaghiusa; FOI wala pa hingpit nga nagamit

Sanden J. Anadia - Banat
Rama nanawagan og panaghiusa; FOI wala pa hingpit nga nagamit
Si Mayor Michael Rama sa Dakbayan sa Sugbo atol sa iyang report ngadto sa katawhan sa nahimo niya nga accomplishments sulod sa 100 ka adlaw niya sa paglingkod sa katungdanan nihangyo kang Bise Mayor Raymond Garcia nga tabangan siya nga makab-ot nga masusama sa Singapore ang Dakbayan sa Sugbo.
Aldo Nelbert Banaynal

CEBU, Philippines — Subling gipanawagan ni Mayor Michael Rama ang panaghiusa alang sa pagkab-ot sa “ Singapore-like Cebu City” ug usa kini sa unod sa iyang mensahe atubangan sa iyang mga konsituwente kagahapon sa buntag  diha sa  Plaza Sugbo alang sa iyang accomplishment report sa unang 100 ka adlaw niya nga paglingkod sa katungdanan.

Gihangyo ni Rama si Bise Mayor Raymond Alvin Garcia nga tabangan ang executive department samtang ang siyudad naningkamot nga makab-ot ang Singapore-like standard.

Sa pagsugod niya sa iyang bag-ong termino isip mayor sa siyudad niadtong buwag sa Hulyo gideklara ni Rama nga gamiton niya ang lig-on nga “political will”.

Usa sa unod sa iyang accomplishment report mao ang pagpasiugda niya sa “Gubat sa Baha” nga nagsugod sa pagmarka sa mga istruktura nga nakalapas sa tulo ka metros nga easement sa mga dagkong agianan sa tubig sa siyudad.           

Dugang report ni Rama  mao ang tulo ka hugna sa “investment begging” didto sa kaulohan nga nakatigom og kapin sa P1 bilyon aron magamit sa pipila ka dagkong proyekto sa dakbayan sama sa paghuman sa Cebu City Medical Center (CCMC) ug pagtukod og medium rise buildings.

Sulod sa iyang unang 100 ka adlaw, gikompleto ni Rama ang Joint Venture Agreement sa Megawide Construction Corp. alang sa Carbon Market Redevelopment uban sa pagpirma niadtong Hulyo 31, 2022 sa Memorandum of Agreement nga nag-amendar sa JVA.         

Nabayran usab  niadtong Agosto 23, 2022 ang South Road Properties (SRP) loan, nga gipakunhod ang termino og tulo ka tuig diin ang siyudad nakadaginot og P1 milyon matag adlaw. Gihimo usab ang Mobility Summit niadtong Septiyembre 26 ug 27.

Nunot sa iyang “Gawasnon with Shared Responsibility” nga deklarasyon niadtong Pebrero, gilingkawas ni Rama ang katawhan gikan sa paggamit sa face masks niadtong buwang sa Septiyembre nga nakadasig ni Presidente Ferdinand “Bongbong” Marcos, Jr.sa pagbuhat sa susamang paagi sa tibuok nasud.

Sa laing bahin, ang Cebu Citizens Press Council, sa usa ka opisyal nga statement, nagkanayon nga 67 ka adlaw human sa pagpirma, ang City Ordinance 2657 kun “Freedom of Information Act of 2019” nga gipirmahan ni Rama niadtong Hulyo 28, 2022 wala pa hingpit nga nagamit.

Giingong kinahanglan pa nga ilista sa legal office ang mga exception sa ordinansa ug isumite sa konseho sa alang sa pagtugot.

Ug ang matag department head ug opisina sa city hall kinahanglan pa nga magtudlo sa ilang FOI officer.

“He (Rama) didn’t build a road or bridge by that ordinance, it could help make the travel of news and information from government to citizens easier and faster. Applause. Even though Mayor Rama has yet to complete work on the FOI ordinance, there are still other sets of 100 days ahead,” tipik sa unod sa pamahayag sa CCPC. BDB (BANATNEWS)

MICHAEL RAMA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with