Rama niisyu na og EO nga nagsagop sa Singopore-like Cebu City

CEBU, Philippines — Pormal na nga niisyu  si Cebu City Mayor Michael Rama  og executive order nga nagsagop sa "Singapore -like Cebu City " isip panglantaw sa siyudad ug pag-establisar og Public-Private Special Corporate o nga istruktura, plataporma, ug mekanismo alang sa pagkab-ot sa maong katuyoan.

“To realize the city’s vision, an inclusive, functional, efficient structure and mechanism must be adopted and formed to ensure success in its related plans, activities, projects, and programs with the participation of all stakeholders”, tipik sa unod sa  EO ni Rama.

Ang Public-Private Special Corporate- Structure aduna kini board of directors nga langkuban sa chairman, chairman emeritus, ug mga miyembro.

Samtang sa habig sa management nga aspeto langkuban kini sa presidente, executive officer, executive vice president, chief operation officer, vice president for specialized fields.

Adunay kini general managers nga mangulo sa cluster departments, offices, committees, bodies ug commissions sa kagamhanan sa Siyudad sa Sugbo.

Aduna usab kini Cebu City Government Labor Management Committee nga langkuban sa mga representante gikan sa management ug labor. Ang employee’s association ug uban pang grupo sa mga mamumuo sa kagamhanan sa dakbayan magsilbing frontline workforce ug action teams alang sa pagpatuman sa proyekto.

Ubos sa Section 5, i-establisar usab ang External Structure Complement  isip kabahin sa Public-Private Special Corporate Oriented Structure aron modumala sa mga kalihokan sa gawas, mga linkage, ug pagpalambo sa mas maayong koordinasyon sa nasudnong gobiyerno ug pribadong sektor nga gilangkuban sa mga tawo nga adunay napamatud-an nga track records ug katakus sa nagkalain-laing natad sa serbisyo publiko .

Pormahon usab ang advisory council nga mohatag sa ilang panahom sa pagpatuman sa mga plano, kalihokan, proyekto ug mga programa nga nahiuyon sa maong tinguha.

Nakabutang usab sa Section 7, nga ang chairman of the board mao ang mayor sa Dakbayan sa Sugbo nga mangulo sa policy making. —/BDB (BANAT NEWS)