Mga online audience makahatag og score sa Pasigarbo

CEBU, Philippines — Ang Probinsiya sa Sugbo mopatuman og bag-ong scoring alang sa contingents nga moapil sa Pasigarbo sa Sugbo karong tuiga.

Kaniadto aduna ray panelist ug judges nga maoy mo evaluate sa performance sa contingents apan karon apil na ang online audience nga mohatag og score sa 50 ka lungsod ug siyudad nga apil sa Pasigarbo.

Pasabot niini nga bisan kadtong mga atoa sa ubang bahin sa nasud o kalibotan  sama sa Overseas Filipino Workers makahatag gihapon og points ug makapili sa ilang ganahan nga contingent. Si Garcia gikatakda nga makigtagbo og balik sa mga mayor sunod semana aron ipasabot ang maong sestema.

Matud ni Garcia nga matag contingent hatagan og lima ka minutos nga performance ug tag-usa ka minuto sa entrance ug pag-exit niini.

Sama sa naandan ang Pasigarbo sa Sugbo magsugod sa street dancing gikan sa Capitol compound padulong sa Cebu City Sports Center alang sa ritual showdown.

Ang Pasigarbo sa Sugbo ipahigayon karong umaabot nga Agosto 28 subay sa ika-453rd nga kasumaran sa Probinsiya sa Sugbo. — (/BDB) (BANAT NEWS)