CEBU, Philippines — Mokabat dul-an sa P8 milyones nga balor sa gituohang shabu ug mga tanom nga marijuana ang nasakmit sa buwag nga operasyon sa kapolisan ug mga sakop sa Philippine Drug Enforcement Agency dinhi sa Sugbu.
Sa operasyon nga gihimo sa mga sakop sa City Intelligence Unit sa Cebu City Police Office nasakmit sa grupo ang P3.5 milyones nga 520 gramos sa gidudahang shabu diha sa Sitio Tago-on sa Brgy. Sapangdaku.
Ang operasyon gipangulohan ni Police Lieutenant Colonel Allan Madrid Rosario niresulta sa pagkasikop ni Loche Beloria Mirabuena ,27, residente sa maong lugar og usa ka ex-convict.
Matud pa nga miangkon si Mirabuena nga bag-ohay lang siya mibalik sa maong illegal nga kalihokan. Sumala pa niya P15 mil ang suhol matag adunay malampusong transaksyon siyang mabuhat.