Campaign materials gisugdan na og tangtang
CEBU, Philippines — Gimando ni Mayor Jonas Cortes ang pagpanglimpiyo na sa tibuok siyudad sa Mandaue gikan sa mga campaign materials sa miaging piniliay nga bisan asa lang gipamilit sa mga supporters ug sinuholan sa kandidato.
Si Atty. Jamaal James Calipayan miingon nga dunay koordinasyon sa buhatan sa Commission on Election ang maong mando sa mayor.
Giawhag sab ang mga partido sa politika nga motangtang usab sa campaign paraphernalia diha sa siyudad.
Sa pikas bahin, gipang-disinfect sa Dakbayan sa Talisay ang mga tunghaan nga gigamit atol sa Mayo 9 nga bugnong lugaynon.
Ang mga kawani sa school disaster risk reduction and management maoy nihimo niini.
Matud pa ni Editha Cahilap, principal sa Talisay City Central School nga 50 ka lawak ang nagamit tungod kay duha ka barangay ang ilang giserbisyohan.
Samtang si Dr. Evangel Luminarias, schools division superintendent nagkanayon nga naandan na gyud sa mga eskwelahan ang matag semana nga pag disinfect.
Ang pag han-ay pagbalik sa mga kagamitan sa mga lawak mao nasab ang ilang pagahimuon ilabi na ngadto sa mga tunghaan nga nagpahigayon na sa face to face nga klase.— Gabriel Bonjoc/IBM (BANATNEWS)
- Latest
