CEBU, Philippines — Modestino ang Integrated Bar of the Philippines (IBP) Cebu Chapter og 20 ka volunteers nga mga abogado sa pipila ka mga buhatan sa Department of Education -Central Visayas (DepEd-7) alang sa paghatag og legal assistance ngadto sa mga magtutudlo nga mo-serve sa piniliay karong adlawa ,Mayo 9.
Makig-partner ang nga miyembro niini sa DepEd -7 Legal Office. Lakip sa ilang serbisyohan ang pipila ka schools divisions sa mga siyudad sa Bogo, Danao, Mandaue, Lapu Lapu, Cebu City , Talisay, Naga, Carcar , Toledo ug uban pa.
Pinasubay usab kini sa direktiba sa IBP National Office ubos sa programa nga “Abogado Para sa Botanteng Pilipino.”
Suma pa sa IBP nga maghatag kini og proteksyon ug “morale booster” sa mga magtutudlo.
“They will be physically present to attend to the teachers and personally pick up the calls of the DepEd hotlines. If needed, they will go to the ground,” tipik sa mensahe sa IBP nga naka-post sa ilang Facebook Page.
Dugang pa sa maong grupo nga nakalinya kini sa ilang naandan nga panultihon nga “Tinuoray na Serbisyo.”
Nagkanayon ang IBP nga kanunay na gyud nila nga ka-partner ang mga magtutudlo sa pipila nila ka mga programa. Pinaagi sa kaalam sa maong mga abogado, makaambag kini alang sa hapsay nga piniliay. —IBM (BANATNEWS)