Island Garden City of Samal midonar sa Probinsya sa Sugbu
CEBU, Philippines — Tungod kay wala man sila makasinati sa kabangis sa bagyong Odette sa niaging tuig, ang Island Garden City of Samal midonar sa ilang disaster response funds sa mga lugar nga nagrabehan sa bagyo.
Matud ni Janus Rafailes ang pangulo sa City Disaster Risk Reduction and Management Office sa Island Garden City of Samal nga P500, 000 ang gihatag sa ilang syudad ngadto sa Probinsya sa Sugbo.
“Unta sa gamay nga financial aid namo nga gihatag diri sa probinsya sa Cebu makatabang usab sa mga paginahanglanon diri sa Probinsya. Ang financial assistance nga gihatag namo diri is only P500, 000 for the rehab and recovery,” matud ni Rafailes.
Si Rafailes miduaw sa Cebu Capitol sa miaging adlaw ug mitunol sa tseke sa financial assistance nga gidawat nilang Neil Sanchez, ang pangulo sa Cebu Provincial Disaster Risk Reduction and Management Office (PDRRMO) ug ni Atty. Frank Dinsay ang chief of staff sa buhatan sa gobernador.
Ang Probinsya sa Sugbo maoy kataposan nga lugar nga apektado sa bagyong Odette nga gihatagan og ayuda sa maong siyudad.
Una nang gitabangan sa maong siyudad ang Surigao del Norte, Bohol, Dinagat island s ug Palawan.
Matud ni Rafailes human sa pagigo sa bagyo sa Visayas ug Mindanao gitigom dayon sa ilang Mayor nga si Al David Uy ang ilang mga opisyal aron hisgutan kun unsay ilang matabang sa mga apektadong lugar.
Ang maong siyudad usa ka fourth class component city sa Davao del Norte, apan taliwala sa kagamay sa ilang siyudad wala kini magduhaduha sa pagtabang. —IBM (BANATNEWS)
- Latest
