^

Banat Balita

CCPO di na manakop apan pagpamadlong pangusgan

Decemay Padilla - Banat

CEBU, Philippines — Kun si Cebu City Mayor Michael Rama ang pabut-on mas gusto niyang magpabilin ang augmentation force sa kapolisan dinhi sa siyudad bisa’g nikubos na og maayo ang mga kaso sa Covid-19.

Kapin usa ka gatus ka polis gikan sa Regional Mobile Force Battalion ang gipadala sa Cebu City human ang siyudad gipaubos sa alert level 3 classification tungod sa pagsaka sa kaso sa Covid-19.  vSi Rama gikatakdang mopagawas og pamahayag kalabot sa sitwasyon sa siyudad ilabi na sa Covid-19 karong Pebrero 24 atol sa Charter Day.

Wala isalikway sa mayor ang posibilidad nga lugakan na ang mga restriksyon ug pagtangtang sa curfew.

Ang siyudad sa Mandaue unang milibkas sa ilahang curfew ug misunod usab si Governor Gwendolyn Garcia para sa tibuok lalawigan sa Sugbu gawas lang sa mga menor de edad.

Samtang wala pay bag-ong direktiba bahin sa curfew gikan ni Rama, si Police Lt. Colonel Wilbert Parilla, Deputy City Director for Operations sa Cebu City Police Office (CCPO) miingon nga magpadayon gihapon ang ilang mga operasyon batok sa mga malapason sa health protocols. Apan dili na nila sila pangdakpon kundili badlungon ug pahimangnoan lang una, apan mipasidaan kini nga kun magsupak-supak ug magmagahi sa mando ilaha kining dakpon.

“So far wala pa tay nadawat nga bag-o nga kamandoan no but existing gihapon to atoang standing nga directive sa city mayor but ang atoang implementasyon ani is more relaxed,” matud ni Parilla.

Matud ni Parilla tutokan nila sa pagronda ang mga lugar nga kaniadto pirmeng dunay mga krimen.

Gidayeg ni Parilla ang gipakitang kooperasyon sa mga Sugbuanon pagsunod sa guidelines nga sa iyang tan-aw dako’g natampo sa pagkunhod sa kaso sa COVID-19 karon. –Iris Hazel M. Mascardo, Rowena Capistrano/IBM (BANATNEWS)

CCPO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with