_banat
^

Banat Balita

Mga krus sa CCLEX pasigahon

Sanden J. Anadia - Banat

CEBU, Philippines — Pasigahon sa Cebu-Cordova Link Expressway (CCLEX) ang tanang walo ka mga krus sa mga haligi niini karong alas-5:30 sa hapon hangtud tungang gabii agi og pahinungod sa Balaang Bata.

Gikatakdang anha molabang ang convoy sa Imahen gikan sa lungsod sa Cordova nga nalakip sa rota sa Grand Mobile Procession nga mohapit sab sa Talisay City, Mandaue City, Lapu-Lapu City.

Ang mga haligi sa CCLEX adunay gibutang nga 40-metrs kahabog nga krus ug mao unyay pasigahon.

Ang maong mga krus gikuha kini nga simbolo sa dihang nitaak dinhi si Ferdinand Magellan nga nagdala sa Kristiyanismo 500 ka tuig na ang nakalabay.  Sa pikas bahin, preparado na ang mga kalihukan sa Misa para sa ika-457th nga kapistahan sa Señor Sto. Niño nga nagdala karon og tema nga Sto. Niño: Our Source of Communion Life for Mission nga sugdan karong adlawa.

Adunay pagahimuong misa sa alas-5 sa hapon nga pangunahan ni Auxiliary Bishop Midyphil Billones, ang kasamtangan nga Team Moderator sa Team of Pastor sa National Shrine of St. Joseph Mandaue City.

Human sa Santos nga Misa niini isunod ang traditional Sinulog ug dayon ang Grand Mobile Procession sa alas-6:30 sa gabii.

Ang Grand Mobile Procession molibot sa Metro Cebu ug lakip na sa Talisay City ug sa Cordova, agi usab kini sa CCLEX pabalik sa Cebu City. Ugmang adlawa (Domingo) atol sa adlaw gyud sa pangilin sa alas 6:30 sa buntag dunay himuong Misa Pontifical De La Fiesta Señor nga pangunahan sab ni Most Rev. Archbishop Jose Palma, DD, Archbishop of Cebu. Ang maong mga kalihukan ipakita kini online ug pipila lang ang makatambong sa maong mga misa agi og pagsunod sa health protocols nunot sa pandemiya sa Covid-19.

Aron dili malangay ang convoy, dunay gipahimutang nga mga traffic enforcers sa nagkadaiyang eskina duol sa rota.  Ang Mandaue City Traffic Enforcement Unit (TEAM) sa mo-deploy og 68 nila ka mga traffic enforcers sa rota unyang gabii.

Si Atty. Eddu Ibanez executive secretary ni Mayor Jonas Cortes miingon nga  dili sirad-an ang mga dalan sa dakbayan gawas lamang sa atubangan National Shrine of Saint Joseph kay usa kini sa hapiton sa convoy.— Rowena Capistrano, Romeo Limpangog/IBM (BANATNEWS)

CCLEX
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with