Ginang nakuhaan og P1.3M shabu
CEBU, Philippines — Moabot sa P1.3 milyon nga kantidad nga gituohang shabu ang nasakmit sa mga sakop sa Drug Enforcement Unit (DEU) sa Dakbayan sa Talisay gikan sa usa ka ginang diha sa Sitio San Rafael, Barangay Tanke niadtong Miyerkules sa alas-10 sa gabii.
Ang grupo ni Police Lt. Elwood Ebona nihimo og buy bust operation batok sa usa ka High Value Individual (HVI) kinsa nagsugod sa ilegal nga negusyo niadtong Septembre sa miaging tuig. Ang dinakpan giila nga si Catalina Agustin kinsa nakuhaan og 200 gramos nga shabu nga adunay balor nga P1.360 milyones ka pesos.
Matud pa ni Ebona nga ang lugar sa nag operate si Agustin mao ang Mambaling, Inayawan ug mga silingan nga barangay ug makadispatsar kini og 200 ngadto sa 300 gramos nga drugas matag semana.
Usa ka ginganlan og Balo nga naa sa Cebu City Jail giingong nagagikan ang drugas ni Agustin.— IBM (BANATNEWS)
- Latest