CEBU, Philippines — Nasikop ang usa ka cashier nga misuik sa ilang kita didto sa Barangay Tabunok, Dakbayan sa Talisay niadtong milabay nga adlaw.
Ang nasikop mao si Jielan Paran, 18 anyos nga taga Purok Gumamila Lanas, siyudad sa Naga.
Ang tag-iya mismo sa 4K Fashion Center nga si Ching Orjaliza, 33 anyos nibarog isip reklamante human ang dinakpan nasakpan sa iyang pagpangubit sa ilang kinitaan.
Gidakop si Paran ni Jessry Elemino, 32 anyos ug giturn-over kini sa kapulisan sa siyudad sa Talisay.
Lakip sa giingong gikawat sa dinakpan mao ang mga baligya sa maong tindahan ug apil na ang halin niini ang gihilabtan.
Gibalhug sa bilangguan ang suspek samtang gihan-ay pa ang dokumento sa pagpasaka og kaso. MEL (BANATNEWS)