CEBU, Philippines — Ang konseho sa Dakbayan sa Sugbo nipalabang og resolusyon nga nag-awhag sa Emergency Operations Center ug Department of Health-7 nga pahimangnoan og balik ang katawhan kalabot sa hustong pagsul-ob og face mask.
Si Konsehal Raul Alcoseba ang nangamahan sa nahisgutang resolusyon kalabot niini ug giaprobahan usab kini sa konseho. Matud ni Alcoseba nga dili gihapon angayang mokompiyansa ug dako og matabang ang hustong pagsul-ob sa facemask.
Sa labing ulahi nga sa datos sa Department of Health-7 ang Cebu City nakatala og walo ka bag-ong kaso sa COVID-19 niadtong Nobiyembre 25, 2021ug niabot ngadto sa 93 ang total active cases sa siyudad.
Matud sa World Health Organization nga ang pagsul-ob og face mask usa sa mga pamaagi alang sa pagpugong sa transmission sa COVID-19.
Aron mamintinar ang pag-amping sa kaluwasan gikinahanglan ang pag-obserbar sa physical distancing, pagsul-ob og face mask, saktong bentilasyon sa mga kwarto, paglikay sa daghang tawo ug kanunay nga paghugas sa kamot. BDB (BANATNEWS)