CEBU, Philippines — Ang mga deboto sa Birhen sa Regla nga patrona sa Dakbayan sa Lapu-Lapu nihugop kini sa pagtambong sa opening salvo.
Ang siyudad magsaulog kini sa kapistahan sa ilang patrona karong Nobiyembre 19 ug 20, 2021.
Lakip sa nihugop ang mga deboto nga mga kawani sa kagamhanan sa siyudad kinsa nibilar sulod sa usa ka gabii. Ang imahen sa Birhen gimotorkada kini gikan sa iyang simbahan diha sa Barangay Poblacion ug gipahimutang diha Lapu-Lapu City Hall. Si Padre Reynante Joseph Ga, parish priest sa nahisgotang simbahan maoy nangulo sa gipahigayong motorkada.
Gikan sa city hall diha niliko sa tuo ang mga sakyanan nga nikuyog sa motorkada ug nilahos ngadto sa M.L. Quezon Highway paingon ngadto sa Pusok, Ibo, Buaya, Mactan Sea Breeze, niliko sa tuo sa Isuyo
Road, Bankal Casia Road, niliko na usab paingon sa wala sa Barangay Pajac Rotunda, Abuno Datag, Maribago, Agus, Ilaya, niliko na usab
paingon sa tuo sa Marigondon Crossing, deretso sa Marigondon Basak Road, S. Osmeña Street ug balik na ngadto sa Nuestra Señora de Regla
Parish National Shrine. Sa karon nga mga novena mass adunay gidugang nga usa ka misa. Sa niaging tuig, walo ka misa sa usa ka adlaw pagsugod sa novena. “Atong gidugang ang alas 7:00 sa gabii nga wala last year”, dugang ni Ga. (BANAT NEWS)