CEBU, Philippines — Gipaabot sa Commission on Election (COMELEC) ang guidelines sa pag apil na sa Facebook Ads diha sa campaign expenses sa usa ka politiko.
Naobserbahan nga daghan sa mga politiko ang nibubo og puhonan sa facebook aron mosikat.
Si Atty. Marco Lionel Castillano, Comelec Cebu Provincial Election Supervisor miingon nga tinguha nila karon nga ilakip og kwenta ang social media ads sa mga politiko sa ilang isumitir nga dokumento nga nagdeklarar sa ilang nagasto sa kampanya.
Namatikdan nga sa buwan sa Oktubre, daghang politiko nibayad sa Facebook aron ang ilang Page o pangalan mailhan sa kadaghanan.
Ang nag una sa dako og nagasto sa Facebook pinaagi sa “Spending Tracker” mao si Atty. Rajiv Enad nga adunay 43,100 likes ug si Pablo John “PJ” Garcia nga adunay 188,000 likes. Silang duha nigasto og P21, 400.
Misunod si Paz Radaza nga adunay 304,900 likes nga nigasto og P12,500; Franklyn Ong nag nakakuha og 43,700 likes sa gasto nga P11,900; Duke Frasco nigasto og P11,100 nga naay 115,900 likes; Niña Mabatid nga naay 550,600 likes nga nigasto og P8,870; Kuya Alan Bucao nga naay 15,100 likes sa gigasto nga P6,950; Harry Radaza nga naay 103,400 likes nigasto og P5,720; Cindi King-Chan nga adunay 62,200 likes nga nigasto og P2,600; Junard “Ahong” Chan nga adunay 505,200 likes og nigasto P1,160; Ace Durano-JunJun Davide adunay 2,100 likes nga nigasto og P1,000; Barug Lumad Talisaynon nga adunay 5,500 likes nga nigasto og P990 ug Raymond Calderon nga adunay 2,000 likes sa kantidad nga gigasto nga P693. —MEL (BANATNEWS)