Parada sa mga Santos

CEBU, Philippines — Gipahigayon kagahapong adlawa ang March of Saints nga gihimo sa Alliance of the Two Hearts Chapel, Manan-ao, Ticad Bantayan Island.

Ang mga nangapil mao ang sakop sa Youth Apostolate of Fatima, diin ikapito na nila ka tuig sa Bantayan human sila nagsugod niadtong 2015.

Tungod sa pandemic usab gilimitahan nalang ngadto sa 28 ka tawo ang nanguyog kay sa nanglabay nga mga tuig abot gatus kapin ang mga partisipante.

Bisan sa maong pandemic gipadayon gihapon ang March of Saints sa paglaum nga masunod nila ang kinabuhi sa mga Santos nga ilang gihulagway pinaagi sa pagsul-ob nila sa mga balaan nga sapot inay sa ungo-ungo o evil characters.

Atol sa maong kalihukan gisunod usab ang health protocols. Gipasiugdahan kini sa parokya ni San Pedro ug San Pablo sa Bantayan.

Ang mga pari sa parokya naglangkob nila ni Rev. Fr. Marcelino Jorge Agravante Jr; Rev. Fr. Rudyard Yunting ug Fr. Giuseppe Pongase.— IBM (BANATNEWS)