CEBU, Philippines — Upat ka department heads sa Cebu City Hall ang niluwat sa ilahang katungdanan tungod kay nikandidato kini alang sa umaabot nga eleksiyon sa sunod tuig.
Ang maong mga department head gilangkuban nila ni Atty. Rey Gealon, kanhi city legal officer; Yvonne Caña, kanhi administrator sa Cebu City Medical Center(CCMC); Noel Wenceslao, kahi city assessors ug kanhi konsehal sa Siyudad sa Sugbo ug Simeon Romarate, kanhi pangulo sa Division for the Welfare of the Urban Poor (DWUP).
Sila si Gealon, Wenceslao ug Romarate pulos modagan pagka-konsehal sa siyudad sa Sugbo samtang si Caña maoy first nominee sa STL Foundation Partylist.
Ang nipuli sa mga nabakante nga posisyon kadtong next in line nila isip officer in charge.
Sa pagkakaron, ang OIC sa city legal mao si Atty. Lyndon Basan, si Roy Miñoza sa DWUP, Dr.Anton Reposar sa CCMC ug Liezel Calamba sa sa city assessor’s office.
Matud ni Casas nga sa pag-file sa department heads sa ilahang certificate of candidacy automatic resign sila sa ilahang katungdanan.
Dugang ni Casas nga kong mo-withdraw sa ilahang kandidatura ang maong department heads dili sila automatic nga makabalik sa ilang pwesto ug kinahanglan nila nga mo-apply og balik alang sa maong posisyon. —BDB (BANATNEWS)