_banat
^

Banat Balita

Mga tawo nga mosulod sa sementeryo limitahan ang gidaghanon

Decemay P. Padilla - Banat
Mga tawo nga mosulod sa sementeryo limitahan ang gidaghanon
Matud ni Garganera nga sulod ning semanaha si Cebu City Acting Mayor Michael Rama mopagawas og guidelines sa mga angayan nga buhaton ug mga palisiya ubos sa pagsaulog sa adlaw sa mga Santos ug Kalag. Kagahapon gitigom niya ang tanang task force sama sa in charge sa contact tracing, sa data ug extraction kay kon madayon ang plano nga buksan ang mga semeneteryo i-deploy niya ang iyahang mga tawo.
STAR/ File

CEBU, Philippines — Si Cebu City Councilor Joel Garganera, pangulo sa Emergency Operations Center Cebu City nibutyag nga limitahan gihapon nila ang mga tawo nga mosulod sa mga sementeryo sa siyudad. Kini kon makadesisyon na ang city government nga buksan ang mga sementeryo karong Nobiyembre 1 ug 2.

Matud ni Garganera nga sulod ning semanaha si Cebu City Acting Mayor Michael Rama mopagawas og guidelines sa mga angayan nga buhaton ug mga palisiya ubos sa pagsaulog sa adlaw sa mga Santos ug Kalag. Kagahapon gitigom niya ang tanang task force sama sa in charge sa contact tracing, sa data ug extraction kay kon madayon ang plano nga buksan ang mga semeneteryo  i-deploy niya ang iyahang mga tawo.

Sa laing bahin, giklaro sa Cebu City Prevention Restoration Order Beautification and Enhancement (PROBE) team nga dili mawad-an og panginabuhian ang vendors sa sulod sa sementeryo human giapaguba ang lang mga tindahan tungod kay ipahimutang sila og laing pwesto diha sa gawas nga bahin.

Matud ni Raquel Arce, hepe sa PROBE nga sama sa senaryo sa niaging tuig wala una nila pabaligyai ang sulod sa sementeryo aron dili maghout ang mga tawo atol sa nahisgutang kasaulogan.

Subay sa maong kasaulogan, ang Cebu City Police Office mopakatap og 224 ka polis diha sa mga sementeryo sa siyudad.

Si Police Colonel Josefino Ligan, direktor sa CCPO nibutyag nga atol sa ilang coordinating meeting tali sa opisyales sa siyudad ang maong gidaghanon sa mga polis ang ilang giduso nga ipakatap ug naghuwat pa sila sa desisyon sa EOC. Lakip sa desisyon nga ilang gihuwat kabahin sa sugyot nga ang bakunado lang ang tugotang makasulod sa sementeryo sa Nobiyembre 1 ug 2.

Sa laing bahin usab, uyon ang kapolisan sa Dakbayan sa Talisay nga buksan ang mga sementeryo sa siyudad atol sa adlaw sa mga Santos ug Kalag.

Apan si Police Lieutenant Colonel Gerard Ace Pelare, hepe sa kapolisan sa siyudad niklaro nga 30 porsyento lang ang gidaghanon sa mga tawo nga makasulod sa mga sementeryo.

Samtang sa Dakbayan sa Mandaue walay tinguhag ang kagamhanan sa siyudad nga mopatuman sa “no vaccination no entry policy” diha sa mga sementeryo sa dakbayan. — Sanden J. Anadia, Rowena D. Capistrano, Gabriel C. Bonjoc ug Romeo  T.  Limpangog (BANAT NEWS)

PROBE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with