_banat
^

Banat Balita

DVMF adunay pamaagi paghipos sa mamatay nga hayop

Sanden J. Anadia - Banat

CEBU, Philippines — Gipaneguro sa  Department of Veterinary Medicine and Fisheries (DVMF) sa Siyudad sa Sugbo nga duna silay tukmang pamaagi sa paghipos sa mga namatay nga hayop.

Gitug-an ni Jessica Maribojoc OIC sa DVMF nga nakig-alayon na siya sa Department of Public Services aron hisgotan ang saktong paghipos sa mga namatay nga hayop nga biktima sa roadkill.

Gipaambit usab ni Maribojoc ang ilang giumol nga pamaagi alang sa proteksyon sa mga hayop ilabi na sa gitawag nga domesticated animals sama sa iro ug iring.

Una niini ang DVMF giawhag sa konseho nga pahibaw-on ang barangay officials sa ilang mga programa ilabi na sa Animal Health Division hotline diin adto mahimong i-report ang ubang concerns sa kahayopan nga gipang-abuso.

Samtang gipahibawo usab sa DVMF nga dunay himoong pagkapon ug pag-ligate sa mga iro ug iring matag Miyerkules.

Si Dr. Jessica Maribojoc, miingon nga moabot sa 30 ngadto sa 40 ka iring ug iro ang ilang ma ligate. P200 ang bayad sa kapon sa iro ug P100 sa iring; ug P250 sa pa-ligate basta residente lang sa siyudad sa Sugbo.

Sa laing bahin gi turn over sa Department of Agriculture (DA-7) ang mobile veterinary laboratory ngadto sa Probinsya sa Sugbo niadtong September 14, 2021 Kini mikantidad og P5 milyones ug maoy gamiton sa Provincial Veterinary Office pagsusi sa mga sakit sa mga hayop sa probinsya lakip na ang pagpahigayon og operasyon o laboratory test. —Decemay P. Padilla/Le Phyllis F. Antojado/MEL (BANATNEWS)

DVMF
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with