_banat
^

Banat Balita

Mandaue, Lapu-Lapu moapelar sa RIATF

Sanden J. Anadia - Banat

CEBU, Philippines — Ang Dakbayan  sa Mandaue ug  Dakbayan  sa Lapu-Lapu miapelar sa Regional Inter-Agency Task Force for the Management of Emerging Infectious Disease (RIATF-MEID) nga  magpabilin lamang kini sa modified general  community quarantine (MGCQ) status.

Ang duha ka dakbayan ug Cebu City gipaubos sa MECQ sugod sa Agosto 1 hangtod sa Agosto 15, 2021 tungod sa namatikdang pagsaka sa kaso sa COVID -19 sa maong mga siyudad. Apan matud pa ni Mayor Jonas Cortes dili kini makiangayon  sanglit milaktaw man kini og duha ang-anga gikan sa kasamtangan niining estado.

Dugang pa niya nga 749 lang ang aktibong kaso sa dakbayan ug maisip kini nga labing ubos dinhi sa rehiyon walay labot sa Siquijor

Dugang pa ni Cortes nga ang dakbayan aduna say labing taas nga posiyento sa mga molupyo nga nabakunahan kontra COVID -19.

Ang 31.26 porsiyento sa first dose ug 15.42 porsiyento sa second dose o kumpleto na sa bakuna. Ang Capacity Utilization Rate sab sa mga pribadong tambalanan miabot na og 62. 4 porsiyento niadtong Hulyo 26, 2021.

Apan ang 38.3 porsiyento niini mga molupyo sa lalawigan sa Sugbo;  35.4 porsiyento sa gikan sa Dakbayan sa Sugbo samtang ang nahibilin nga porsiyento gibahin nga mga molupyo sa Lapu-Lapu,  Mandaue ug gikan sa mga isla gawas na sa Sugbo.

Lapu-Lapu City

Si Mayor Junard Chan sa iyang suwat ngadto sa RIATF-MEID miingon usahon lang unta ang community quarantine classifications sa mga LGUs sa Sugbo ubos sa "One Cebu" Policy.

Sumala pa sa mayor, lisod kaayong dunay mga patigayon nga manirado tungod sa subling paghigpit, dili na kini kayahon sa ekonomiya sa siyudad.

“70% of the city’s active cases are asymptomatic. Also, a comparison of daily COVID-19 cases of these 4 LGUs since July 5 would show that the cases in Lapu-Lapu City and Mandaue City are substantially smaller compared to that of Cebu City and Cebu Province,” nagkanayon si Mayor Chan sa iyang sulat sa gipadala niining apilasyon.

Ang mao niyang sulat gipadala kang Interior and Local Government Secretary  Eduardo Año pinaagi usab sa buhatan sa DILG -7 regional director Leocadio Trovela.

Para sa tanan

Sa pikas bahin, si Cebu City acting Mayor Michael Rama miingon nga bisan man og MECQ ang siyudad sugod ugmang adlawa,  magpadayon ang operasyon sa mga establisamento ug pampublikong sakyanan tungod kay mao kini nagbuhi sa ekonomiya.

Dili sab siya moingon nga moapelar para sa Cebu City lamang kondili para gyud unta sa tibuok isla o probinsya sa Sugbu.

“I do not want to say appeal now, if there will be an appeal it should be an island appeal, dili man na mahimo Cebu City ray mo-appeal, we are part of the island, we are on the same orientation…We will appeal as one island, one island, di man lagi na mahimo og okay ra ta unya ang Mandaue dili,” sigon ni Rama.

Matud ni Rama dili lalim ang epekto sa katawhan kun mobalik sa pagpanirado ang mga establisamento ug walay pasaheroang magdagan. Sa miaging tuig nahimo kini apan gisuportahan og ayuda sa gobiyerno ang tanan.

Best practices

Sa pikas bahin, ang pangulo sa kapulisan sa Dakbayan sa Sugbo Police Col. Josefino Ligan, nidasig karon sa mga barangay nga dunay kinadaghanan og kaso sa Covid-19 nga balikon ang ilang kanhi “Best Practice” nga gihimo sa miaging tuig nga nakapakunhod sa mga kaso.

Hugot nga pagpatrolya ug pagdili anang parties, pista, tapok-tapok, pagpatuman gyud sa curfew  ug usa ka adlaw nga wala gyuy pagawsong dili essential worker aron makapahigayon sila og massive disinfection sa ilang lugar.

Matud ni Ligan bisan buhaton kini sud sa napulo ka adlaw duna gyud kini positibong resulta.— Rowena D. Capistrano/IBM (BANATNEWS)

RIATF
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with