CEBU, Philippines — Gitakda sa Commission on Elections sa Dakbayan sa Mandaue ang pagpahigayon og satellite voters registration sa Barangay Casili karong Hunyo 26, 2021.
Kini ang gipahibalo ni Sarah Christina Rueyan ang COMELEC election assistant II sa maong dakbayan.
Matud pa niya nga ang off-site registration gitumong aron mosaka ang gidaghanon sa ma-rehistro nga botante nga mobotar sa umaabot 2022 elections.
Dugang pa ni Rueyan nga gihimo usab nila ang off-site registration tungod kay hapit na mapupos ang 100 ka adlaw nga nahibilin sa ilang pagpangrehistro nga matapos karong Septiyembre 30, 2021.
Sa nasayran ang Barangay Casili maoy usa sa 2 ka barangay sa Dakbayan sa Mandaue nga walay kaso sa coronavirus disease sulod na sa duha ka semana nga nakalabay.
Gitataw ni Rueyan nga ang satelite registration dili lang alang sa taga Barangay Casili kun dili bukas kini alang sa mga molupyo sa mga silingang barangay. —MEL (BANATNEWS)