_banat
^

Banat Balita

NCSC mangampanya aron pag-aghat sa mga seniors pagpabakuna

Leonel B. Quillo - Banat

CEBU, Philippines — Ang National Commission for Senior Citizens (NCSC) mopahigayon og nationwide information campaign aron pagkumbisir sa mga senior citizens nga magpabakuna ug aron pagtabang sa gobyerno aron pagkab-ot sa herd immunity.

Kini ang gipahibawo ni NCSC Chairperson Franklin Quijano human siya nabakunahan sa iyang second dose didto sa Chong Hua Hospital sa siyudad sa Mandaue.

Naa karon sa Sugbo si Quijano aron motabang sa pag-awhag mga kaubanang senior citizens nga mopahimulosl sa vaccination program sa gobyerno.

Siya naglaom nga ang pag-abot sa dugang supply sa nagkadaiyang bakuna usa sa makatabang aron dili na magpanuko ang mga senior citizens nga magpabakuna.

"Being vaccinated will give us peace of mind, and more importantly, the opportunity to be able to get back on the grind as we continue to do the things we need and love to do, to live an active, healthy, productive, and purposeful life as we continue our journey”, segun ni Quijano.

Matod pa daghan ang makab-ot kun ang tibuok nasud, gobyerno ug katawhan, maghiusa.

Giplanohan nga himoon ang usa ka initial town hall o video meeting inubanan sa aktibong partisipasyon sa World Health Organization (WHO), Department of Health (DOH) ug tanang National ug Local Government Institutions.

Ang Information Campaign ipadangat ngadto sa mga rehiyon ug local government jurisdictions gamit ang video conferencing ug uban pa nga digital workshops/webinar nga kahimanan.

Gipadayag ni Quijano ang iyang plano nga mo-develop og database nga maglakip sa health needs o profile sa mga senior citizens, importante kini aron pag-facilitate sa paghatag og serbisyo sa special sector sa komunidad. —MEL (BANATNEWS)

SENIOR CITIZEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with