Ika-7 nga discipline zone gibutang sa Talisay
CEBU, Philippines — Gilusad ang ika-pito nga discipline zone sa Dakbayan sa Talisay niadtong miaging adlaw.
Si Police Lt. Col. Gerard Ace Pelare maoy nangulo niini sa pagpakita sa katawhan nga naglihok ang kapolisan aron masumpo ang mga kriminal.
Ang kapulisan inabagan sa barangay opisyales sa Lawaan 1, City of Talisay-Traffic Operation Development Authority (CT-TODA) ug task force.
Sila maoy mopatuman sa lokal ug nasudnong balaod aron sa pagtudlo og disiplina sa katawhan nga moagi sa lugar.
Matud pa ni Pelare nga ilang gibutang ang discipline zone sa strategic nga lugar aron kung adunay panghitabo dali nilang mapugngan ang dautang elemento.
Ang mga polis nga nadestino armado og tag-as nga armas ingon man megaphone sa pagpahinumdom sa katawhan sa ilang buhaton kun sila makalimot sa balaod nga gipatuman.
Ang discipline zone napuslan na sa dihang usa ka mangingilad nga mahuyang nisuway sa pagsibat apan dali kining nasikop. MEL (BANATNEWS)
- Latest
