_banat
^
Fathersâ Day Special: Amahan pabiling mibarog sa mga pagsuway sa kinabuhi
Karong adlawa gisaulog ang Father’s Day atong saludohan kining mahigugmaong amahan nga si Jerry Alesna nga taga Barangay Tuyan sa Dakbayan sa Naga nga pito ka tuig ng miatiman sa ilang upat ka mga anak nga mga special child.
Rowena Capistrano

Fathers‘ Day Special: Amahan pabiling mibarog sa mga pagsuway sa kinabuhi

Rowena D. Capistrano (Banat) - June 20, 2021 - 12:00am

CEBU, Philippines — Ning adlaw sa mga amahan, angay pasidunggan ug yukboan ang amahan nga nibarug sa mga hagit sa pagsuway aron lang mabuhi ang ilang gimugna nga banay. Sa Barangay Tuyan sa Dakbayan sa Naga, adunay usa ka amahan nga nipili nga moatiman sa iyang mga anak nga dili lang buta, apan matawag pa gayud kini ug mga special child.

Samtang ang inahan maoy nangita ug panginabuhian bisan pa man sa diperensya niini sa panglawas human dili na usab kini kaayo makakita.

Si Jerry Alesna nga maoy haligi sa panimalay niundang sa iyang trabaho, sulod na sa pito ka tuig, aron maoy moatiman sa iyang pito ka anak diin upat niini mga buta nga nag-edad ug 20anyos, 18anyos, 15 ug 14anyos.

Sumala pa ni Jerry, nga nagkasinabot nalang sila sa iyang asawa nga si Marichu nga kini nalang ang motrabaho tungod kay dili na kini makapiog sa iyang mga anak. Nagkinahanglan og espesyal nga atensyon ang iyang mga anak tungod kay maglisod usab kini sa pagtindog ug mosugmat usab ang ilang sakit nga halos pasakitan nalang ilang kaugalingon ug mopatol.

Ang amahan, nitug-an nga daghan nitambag kaniya nga i-adto nalang sa Department of Social Welfare and Development DSWD ang iyang mga anak apan wa siya mouyon niini tungod kay gusto niya siya ang moatiman sa iyang mga anak.

Ang asawa ni Jerry, usa kini ka job order employee sa kagamhanan sa Siyudad sa Naga diin, kini ang tigbantay sa pampubliko nga pansayan.

Ang inahan nga si Marichu, nagproblema karon tungod kay nagkahanap na usab ang iyang panan-aw, hinungdan malaumon siya nga adunay makatabang sa ilang kahimtang.

Bisan sa kalisod sa pamilya, padayon gihapon sila nga naghiusa ug dili sila makalimot sa pag-ampo matag gabii ug lakip usab ang pagsimba dala ang ilang mga anak. Ang tulo ka mga anak babaye ni Jerry ug Marichu, gisiguro usab nila kining makatungha, diin ang pamilya nipaigo lang sa kita sa ginang nga 370pesos.

Ang pamilya Alesna, gipapuyo lang sa usa ka banay nga naluoy sa ilang kahimtang diha sa Sitio Suba, Barangay Tuyan.

Si Guillermo Pelone, ang Barangay Secretary sa Tuyan, nitug-an padayon nilang gimonitor ang kahimtang sa maong pamilya, lakip usab ang paghatag kanila ug ayuda gikan sa barangay. MEL (BANATNEWS)

FATHER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with