Butanding nasangit sa pukot
CEBU, Philippines — Usa ka butanding ang na-trap sa pukot sa usa ka mananagat sa kadagatan sa Barangay Maribago, Dakbayan sa Lapu-Lapu sa niagng adlaw.
Si Boyla Gilig, tag-iya sa Boyla Dive Shop nagkanayon nga ang maong whale shark nalingaw sa pagpangaon sa gagmay nga mga isda nga nagpanon ug aksidente kini nga nasangit sa pukot nga gigamit sa usa ka mananagat.
Matud ni Gilig nga nagbugwakbuwak ang dagat diin timailha nga naay bariles hinungdan nga gituyokan dayon nila kini sa pukot ug nakuha nila ang butanding nga didto diay sa ilawom niini.
Hinuon luwas ra ang maong isda diin gibuhian nila kini og balik ngadto sa dagat.
Si Gilig nagkanayon nga nakasigpat na sila sa maong matang sa mga isda nga maglangoylangoy diha sa kadagatan sa Maribago ug Barangay Agus. BDB (BANATNEWS)
- Latest