Generation rates sa VECO niusbaw

CEBU, Philippines — Gipahimangnoan sa Visayan Electric ang tanan nilang konsumidor nga maghunahuna gyud sa paggamit og kuryente gumikan  sa  high generation rates alang sa Hunyo ngadto sa Hulyo nga  billing period.

Matud ni Engineer Raul Lucero, presidente ug chief operating officer nga ang pagtaas sa presyo sa coal ug fuel ingon man usab ang taas nga presyo sa  Wholesale

Electricity Spot Market (WESM) maoy rason sa pag-usbaw sa generation rates ngadto sa P0.61/kwh sa billing period alang sa Hunyo ngadto sa Hulyo.

Giklaro ni Lucero nga ang generation rates ra ang nisaka  ug dili ang distribution rate sa  Visayan Electric nga nagpabilin sa  P1.5992/kWh sukad pa niadtong 2014.

Gitambagan niya ang publiko nga labing maayo nga magmabinantayon kini sa paggamit sa kuryente aron dili makugang sa ilang bayranan.

“Unplug appliances that are not being used and be cautious in using cooling appliances since these are mostly the ones that use more electricity”, tambag ni Lucero. BDB (BANATNEWS)