_banat
^
Pagpamakuna sa Cebu City ipadayon karon
Nasayran nga ang siyudad sulod sa pipila ka adlaw temporaryong nihunong sa pagpamakuna tungod kay nahutdan og supply sa bakuna batok sa COVID-19.
STAR/File

Pagpamakuna sa Cebu City ipadayon karon

Decemay P. Padilla (Banat) - June 17, 2021 - 12:00am

CEBU, Philippines — Ipadayon na karong adlawa ang pagpamakuna sa kagamhanan sa Dakbayan sa Sugbo sa mga residente sa siyudad.

Nasayran nga ang siyudad sulod sa pipila ka adlaw temporaryong nihunong sa pagpamakuna tungod kay nahutdan og supply sa bakuna batok sa COVID-19.

Gibutyag kagahapon ni Dr. Jeffrey Ibones, officer-in-charge sa Cebu City Health Department nga gihatud kagahapon ang 21,000 doses nga allocation sa Pfizer BioNTech COVID-19 vaccines gikan sa Department of Health-7.

Ang maong mga bakuna gipaapod-apod diha sa tulo ka vaccination sites nga gilangkuban sa University of Cebu Senior High School building sa Banilad Campus, Robinson’s Galleria ug University of Cebu Senior High School building sa J. Alcantara Street, Barangay Sambag 1.

Subling giklaro ni Ibones nga ang makadawat sa maong matang sa bakuna mao ang mga tawo nga naa sa A1, A2, A3 ug A5 priority groups ug walay labot ang A4 sanglit mao kini ang desisyon sa COVAX facility nga nagdonar sa nahisgutang vaccines.

Ang A5 category mao kining indigent population ug matud ni Ibones nga niabot na sa sobra 10,000 ang nagparehistro nga ubos sa A5 category.

Base sa datos sa Cebu City Health Department niabot na usab sa 54,000 ang nakadawat sa ilang first dose sa COVID-19 vaccine ug naa sa 23,000 ang fully vaccinated gikan sa A1, A2 ug A3.

Nasayran nga niabot na sa kapin 200,000 ang nagparehistro sa Cebu City nga gustong magpakuna kadaghanan niini ang ubos sa A4 category hinungdan nga nihangyo si Ibones ngadto sa DOH nga unta aduna nay maabot nga nga bakuna alang sa A4 category.

Nangayo og pagsabot ang Cebu City Health Department sa katawhan tungod kay nag-agad ra usab ang DOH sa bakuna nga maabot dinhi sa atoa. —BDB (BANATNEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with